سامان نەسیم زیندانیی لاوی کورد لەسێدارە درا
سامان نەسیم زیندانیی لاوی کورد لەسێدارە درا
ARK
"سامان نەسیم" زیندانی سیاسیی کورد، ئەمڕۆ و پاش هەوڵ و داواکارییە ناوخۆیی و نێودەوڵەتییەکان لەسەر لابردنی سزای سێدارەی ناوبراو، بەدستی جەللادانی کۆماری ئیسلامی لەسێدارە درا.
"سامان نەسیم" یەک لەو ٥ زیندانییە چارەنووس نادیارەی کوردن کە کەوتوونەتە ژووری تاکە کەسی و چاوەڕوانی بەڕێوەچوونی سزاکەیانن.
شایانی باسە بە هۆی ئەوەوە شەڕێکی قورس لە ناوچەکەدا لە ئارادایە و ئێران لەم دۆخەدا بە ئاژاوەنانەوە کێشەی زۆری بۆ وڵاتانی ناوچەکە و زلهێزەکان دروست کردوە، کۆمەڵە کێشەیەکی ناوخۆیی ئەوڕۆ لە لایەن ناوەندە جیهانی و وڵاتانی گەورەوە سەرپۆشیان لەسەر دانراوە.
شایانی باسە کە لایەنە سیاسییەکانی رۆژهەڵاتی کوردستان بەو بێدەنگی و تەسلیم بوونە سیاسییەی خۆیان سەلماندوویانە کە نابێت چیتر بەو شێوەیەی رابردوو لەگەڵ کۆماری ئیسلامی هەڵسوکەوت بکرێت.
پێویستە شەڕێکی قورسی چەکداری و جدی بۆ ئازادکردنی رۆژهەڵاتی کوردستان دەست پێبکرێتەوە.
"ئەرتەشی ئازادی رۆژهەڵاتی کوردستان" وێڕای سەرەخۆشی لە کۆمەڵگای ئازارچەشتووی رۆژهەڵاتی کوردستان، پەیمان دەدات کە تۆڵەی رۆڵەکانی کورد لە کۆماری ئیسلامی بکاتەوە.
قاسم سلێمانی لە سوریە ١٢ فەرماندەی نیزامی لەسێدارە دا
ARK١٢کەس لە هێزەکانی ئەرتەشی سووریا بە دەستی قاسم سلێمانی لە ئوستانی دەرعا لەسێدارە دران.
بەپێی راپۆرتی ئاژانسی هەواڵدەریی کوردپا، ١٢ کەس لە هێزە نیزامییەکانی ئەرتەشی سووریا، کە سەرجەمیان پلەی ئەفسەرییان هەبوو، بە تۆمەتی "خەیانەتی نیزامی و پەیوەندی لەگەڵ ئۆپۆزیسیۆنی دەوڵەتی ئەسەد" لەسێدارە دران.
ماڵپەڕی ئەلعەرەبییە لەو بارەیەوە بڵاوی کردۆتەوە؛ ئەو ئەفسەرانەی ئەرتەشی سووریا، لە کاتێکدا لەسێدارە دراون کە قاسم سلێمانی فەرماندەری سوپای قودس بۆ چاوەدێری بەسەر شەڕەکاندا چۆتە ئوستانی دەرعای سووریا.
هاوکات لەگەڵ چوونی قاسم سلێمانی بۆ دەرعا، فەرماندەی شەڕەکانی ئەرتەشی سووریا لە ناوچەکانی ابشووری ئەو وڵاتە بە تۆمەتی "هاوکاری لەگەڵ دژبەرانی دەوڵەتی ئەسەد" لە پۆستەکەی دوور خراوەتەوە.
لەکاتی دەستپێکردنی شەڕەکانی سووریاوە، حکوموەتی ئیسلامیی ئێران، هاووڵاتییانی لوبنانی، ئەفغانی، ئێرانی و چەندین وڵاتی دیکەشی وەکوو بەکرێگرتە و لەژێر ناوی "پارێزەرانی مەزارگەی ئایینییەکانی سووریا" بۆ شەڕ کردن لەگەڵ دژبەرانی حکوومەتی ئەسەد، رەوانەی خاکی سووریا کردووە.
دەرعا یەکێک لە ئوستانەکانی باشووری وڵاتی سووریایە و مەزارگەی "زەینەب" کە بە یەکێک لە شوێنە زیارەتی و ئایینییەکانی پەیڕەوانی شیعە دادەندرێت، لە دەوروبەری دیمەشقی پایتەختی سووریا هەڵکەوتووە.
چارەنووسی سامان نەسیم و چەند زیندانییەکی سیاسیی کورد نادیارە
ARK
بەپێی راپۆرتی ئاژانسی هەواڵدەریی کوردپا، هەتاکاتی بڵاوبوونەویە ئەم هەواڵە، هیچ بەرپرسێکی حکوومەتی و هەواڵدەرییەکی باوەڕپێکراوی حکوومەتی و سەربەخۆ، راستیی دەنگۆکانیان لەمەڕ جێبەجێکرانی یان وەدواخستنی حوکمی لەسێدارەدانی ئەو زیدنانییە کوردە پشتڕاست نەکردۆتەوە.
هەو لەوە پەیوەندییەدا، چەندین هەواڵی جۆراوجۆر سەبارەت بە جێبەجیکرانی حوکمی لەسێداردانی ٥ زیندانیی سیاسیی کورد گەیشتوونەتە ئاژانسی کوردپا، بەڵام ئاژانسی کوردپا بە هۆی کۆمەڵێک ناڕوونی و پشتڕاست نەکردنەوەی ئەو هەواڵە لەلایەن بنەماڵەکەیەوە، خۆی لە بڵاو کردنەوەی بواردووە.
کەماڵ حوسێنی، چالاکی مافی مرۆڤی کورد، لە ئەنجامی چەندین پەیوەندیی تەلەفۆنی لەگەڵ بنەماڵەی سامان نەسیم رایگەیاندووە؛ بنەماڵەی ئەو لاوە کوردە هەتا ئێستا هەواڵی جیبەجێکرانی حوکمی لەسێدارەدانی کوڕەکەیان پشتڕاست ناکەنەوەو جەخت لەسەر لێدوانی ناڕوونی بەرپرسی زیندانی ورمێ لەمەڕ راگواستنی کوڕەکەیان بۆ زیندانێکی دیکە دەکەنەوە.
سەرلەبەیانیی ئەمڕۆ، یەکێک لە ئەندامانی بنەماڵەی سامان نەسیم لە لێدوانێکدا بە هەواڵنێری کوردپای راگەیاند؛ پێشتر دەنگۆیەک سەبارەت بە پەیونەدییەکی تەلەفۆنی لەگەڵ ئێمەدا بڵاو ببویەوە، کە بۆ وەرگرتنەوەی کەلوپەلاکانی سامان سەردانی زیندان بکەین، بەڵام لە چاوپێکەوتنەکانماندا لەگەڵ بەرپرسی زیندان باسی لە ناردنەوەی کەلوپەلەکان بۆ مەریوان کرد و ئەمەش ناتوانێ بنەماڵەکەی ئێمە لەمەڕ لەسێداردرانی سامان بێنتە سەر قەناعەت و ئێمە هەتا ئێستا نیگەرانین، بەڵام هیوادارین و چاوەڕوانی بیستنی هەولیکی خۆش دەکەین.
پێشتر سامان رەسووڵ‌پوور و کەماڵ حوسێنی دوو رۆژنامەنووسی کورد لە تۆڕی کۆمەڵایەتی فەیسبووک، خۆیان لە پشتڕاست کردنەوەی دەنگۆکانی پەیوەندیدار بە جێبەجێ کرانی حوکمی سێدارەی سامان نەسیم بواردبوو.
پێدەچیت دەزگا ئەمنییەکان لە هەوڵی رەخساندنی بوار بۆ سەقامگیر کردنی کەشێکی تایبەتی بۆ بەڕێوەبردنی حوکمی لەسێدارەدانی ئەو ٦ زیندانییە سیاسییە کوردەدا بن
زۆربەی ئەو چالاکەن لەو باوەڕەدا بوون کە حکوومەتی ئیسلامی لە هەوڵی ئاسایی کردنەوە و قەبووڵ کردنی ئەو مەسەلەیە لە رای گشتیدا بن و رەوشەکە بۆ جێبەجی کردنی حوکمی لەسێدارەدانی زیندانیانی سیاسی لەبار بکەن.
جگە لە تۆرە کۆمەڵایەتییەکان و رای بەکارهێنەرانی فەیسبووک، هەتا ئێستا هیچ سەرجاوەکەی باوەرپێکراو، هەواڵی لەسێدارەدانی سامان نەسیم و ئەو ٥ زیندانییە سیاسییەی دیکەی پشتراست نەکردۆتەوە.